Был аҙна донъяның иҡтисади баҙарына көтөлмәгән яңылыҡ алп килде. Ҡара алтын табыусы илдәр берләшмәһе – ОПЕК ағзалары уртаҡ фекергә килә алманы. Сәғүди Ғәрәбстан нефть сығарыуҙы кәметеү яғында булһа, Рәсәй киреһенсә, был шарттар менән риза түгел.
Тап ошо арҡала Нью-Йорк биржаларында, Мәскәү һәм башҡа иҡтисади үҙәктәрҙә нефть маркаларына хаҡ төштө. Бынан тыш, Америка доллары менән евроға хаҡтар ҡапыл артты. Иҡтисади баҙарҙың был торошо ниндәй хәүеф менән янай. Рәсәй баҙарын нимә көтә. Әңгәмәбеҙ ошо турала барасаҡ.
Студиябыҙ ҡунағы иҡтисади фәндәре кандидаты Гүзәлиә Әбҡадир ҡыҙы Ғәлимова.
