Хәйерле иртә, республика! - 19.03.21 Балалар һәм интернет

Һеҙҙең балаларығыҙ телефонда йыш ултырамы? Һеҙ уларға интернет менән ҡулланыуҙы тыяһығыҙмы? Әллә гаджеттар менән самаһыҙ мауығыуҙарына күҙ йомоп ҡарайһығыҙмы? Әлбиттә хәҙерге тормошто гаджеттарһыҙ күҙ алдына ла килтереп булмай. Улар ярҙамында белем алырға, аҡса эшләргә, теләгән әйбер һатып алырға, аралашырға, танышырға, бөтә ер йөҙөн гиҙеп сығырға мөмкин. Интернет мөмкинлектәре сикһеҙ. Әммә балаларға ҡағылғанда, беҙ уны башлыса дошман, тип ҡабул итәбеҙ. Телефонға, интернетҡа бәйлелек тураһында һөйләшеүгә саҡырабыҙ. Бөгөн беҙҙә студияла психолог Әлфиә Сәғит ҡыҙы Байрамғолова.