Үҙен киләсәктә эшҡыуар итеп күрергә теләүсе ҡыҙ һәм егеттәр өсөн яңы мөмкинлектәр асыҡ. Башҡортостандың Йәштәр сәйәсәте буйынса дәүләт комитеты ике программа буйынса грантҡа ғаризалар ҡабул итә башланы. Береһе студент эшҡыуарҙарҙы үҫтереүгә йүнәлтелһә, икенсеһе йәше 25-те үтмәгән ҡыҙ-егеттәргә үҙ эшен асырға ярҙам итә.
Башҡортостандың Йәштәр сәйәсәте буйынса дәүләт комитетында йәштәр эшҡыуарлығын үҫтереү буйынса эш төркөмө ойошторолдо. Был төркөм йәш эшҡыуарҙарҙың төрлө мәсьәләләрен хәл итергә ярҙамлаша. Уның етәксеһе Эльвир Нафиҡов менән «Хәйерле иртә, Республика!» тапшырыуында әңгәмә ҡорабыҙ.
