Бөтә Рәсәйҙә археологтар көнө билдәләнде. Был байрам календарҙа күптән түгел генә барлыҡҡа килде. Әммә әһәмите яғынан бер ҙә башҡаларҙан ҡалышмай. Башҡортостан археологтары табыштары менән хайран ҡалдыра, беҙҙе ата-бабаларыбыҙ көнитмеше менән яҡындан таныштырып, тарих серҙәрен асырға ярҙам итә. Хөрмәтле тамашасыларыбыҙ, бөгөн беҙ археологтар менән бер ҙә еңел булмаған, әммә үтә лә мауыҡтырғыс һөнәр үҙенсәлектәре, Башҡортостандағы археология эшмәкәрле тураһында һөйләшеүгә саҡырабыҙ.
Студия ҡунаҡтары — Рәил Кузеев исемендәге этнологик тикшеренеүҙәр институты ғилми хеҙмәткәре, тарих фәндәре кандидаты Айнур Туҙбәков һәм "Боронғо Өфө" республика тарихи-мәҙәни музей-ҡурсаулығы ғилми хеҙмәткәре Фәнис Сафуанов.
