Бөгөнгө теманы һайлау һис тә осраҡлы түгел. Башҡортостанда йәшәүсе халыҡ, тимәк беҙ һәм һеҙ ниндәй ризыҡ ашайбыҙ, уның сифаты нисек. Ғөмүмән, кибет һөтөн эсеп ағыуланырға мөмкинме, йә урамда һатылған һөт ҡурҡынысыраҡмы? Икмәккә һылаған май, ҡаймаҡ, ашаған колбаса ризыҡтары. Улар сифатлымы, йә аталған продукциянан бөтөнләй баш тартырғамы.
Студия ҡунағы — Башҡортостандың ветеринария хеҙмәте буйынса Дәүләт комитеты ветеринар лабораторияһы етәксеһе урынбаҫары Азамат Буканов ошо һорауҙарға яуапты яҡшы белә. Экспертыбыҙ фекере һәммәбеҙгә лә ҡыҙыҡлы булыр.
