Ауылды уңғандар йәшәтә, тип атаныҡ бөгөнгө эфирыбыҙҙы. Ысынлап та, һәр ауылдың иң ҙур байлығы – уның тырыш, уңған халҡы.
Әлшәй районы Хәнйәр ауылында йәшәүселәр ҙә әүҙемлеге менән айырылып тора, ата-бабалары хаҡында иҫтәлекте хөрмәтләп һаҡлай, һәр эште берҙәм атҡарып сыға. Күптән түгел, үҙ көстәре менән мәсет төҙөгән улар. Ауылдарының торошо, тормошо тураһында ҡунаҡтарыбыҙ үҙҙәре һөйләр — Әлшәй районы Хәнжәр ауылының әүҙем апайҙары Венера Миһранова менән Лилиә Иҙрисова.
