Етем балалар тормошон көйләү тураһында булыр әңгәмәбеҙ. Әлеге көнгә Башҡортостанда 10337 етем бала иҫәпләнә. Шөкөр, уларҙың 93 проценты яңы ғаиләләрендә тәрбиәләнә, Йыл башынан алып алып ҡына 777 етем бала яңы, тулы тормош менән йәшәй башлаған. Ҡалғандары һеҙҙең һәм беҙҙең иғтибарға мохтаж. Ҡарауһыҙ ҡалған балаларҙың тормошон көйләү, кескәйҙәрҙе уллыҡҡа, йә опекаға алыу нескәлектәре тураһында һөйләшеүгә саҡырабыҙ. Һеҙҙең һәм беҙҙең һорауҙарға бөгөн Баш ҡала хакимиәтенең хәстәрлек һәм ҡурсалау идаралығы баш юрисконсульты Айгөл Имам ҡыҙы Хилалова яуап бирәсәк.
Хәйерле иртә, Республика! - 16.08.2024 Ғаилә балалар менән бәхетле
"Хәйерле иртә, Республика!" тапшырыуы һәр эш көнө, Өфө ваҡыты менән иртәнге 9 сәғәт 20 минутта эфирға сыға.
