Өфөлә Башҡортостандың халыҡ шағиры Мостай Кәримдең тыуыуына 105 йыл тулыу айҡанлы тантаналы саралар теҙмәһе дауам итә.
"Хәйерле иртә, Республика!" тапшырыуында ҡунаҡта — Мостай Кәрим исемендәге фонд Грантының быйылғы стипендиаттары. Грант 2015 йылдан стипендия формаһында Өфө фән һәм технологиялар университетының башҡорт филологияһы һәм журналистика факультетында уҡыған иң әүҙем, талантлы студенттарына бирелә. Беҙҙә ҡунаҡта — аспирант Миләүшә Шәрәфетдинова, 4-се курс студенты Ғәзиз Ғәббәсов һәм 3-сө курс студенты Гөлсинә Йомағужина.
