Республикала яҙғы ташҡынға әҙерлектең тәүге өлөшө башланды – йылғаларҙа боҙ шартлатыла. Был ысул ҙур һыу мәлендә боҙ тығылыуын алдан иҫкәртеү мөмкинлеген бирә. Ташҡынды күҙәтеү өсөн дрондар, хатта вертолет ҡулланыласаҡ. Төп иғтибар — Өфөләге Көнсығыш үткәүел янындағы баҡсасылыҡ ширҡәттәренә.
Студия эксперты — Ғәҙәттән тыш хәлдәр буйынса Дәүләт комитеты рәйесе урынбаҫары Ғәзиз Манапов.
