Күгәрсен районы халҡы Йомағужа һыуһаҡлағысына Башҡортостандың беренсе Президенты Мортаза Ғөбәйҙулла улы Рәхимов исемен биреү яҡлы.
Бынан тыш, Тәүәкән ауылында Мортаза Рәхимовтың йорт-музейын төҙөү бурысы тора. Ошо турала бөгөн,18-се ғинуарҙа, "Иғтибар үҙәгендә" тапшырыуында йәмәғәт эшмәкәре, медицина фәндәре докторы, профессор, Бөтә Донъя башҡорттары ҡоролтайы президиумы ағзаһы Сәлиә Мырҙабаева белдерҙе. "Остаз һәм уның тәрбиәләнеүсеһе" темаһына арналған һөйләшеүҙә һаулыҡ һаҡлау, йәмғиәтте борсоған башҡа мәсьәләләр ҡаралды. "Иғтибар үҙәгендә" тапшырыуы һәр шаршамбы, "Рәсәй-Башҡортостан" радиоһында эфирға сыға.
