Тап бөгөндән, 1-се декабрҙән илдә яңы үҙгәрештәр ғәмәлгә инә. Күпселеккә мәғлүм булғаны һәм байтаҡ бәхәстәр тыуҙырғаны коммуналь хеҙмәттәргә хаҡ артыуы менән бәйле. Индексация 9 процентҡа тиклем етә. Бынан тыш, медицина страховкаһы электрон форматҡа күсерелә, һалым органдарына иҫәпкә баҫыу мөмкинлеге ябайлаша — уны Дәүләт хеҙмәттәре порталы аша ғына башҡарып буласаҡ, фатир эсендә сауна, хамам урынлаштырырға рөхсәт ителә, ә колледж-техникумдарҙа етештереү комплекстарын асып, унда ла студенттарҙы эшкә алырға мөмкинлек бирелә. Был үҙгәрештәргә алдағы минуттарҙа туҡталып китербеҙ.
Студия ҡунағы - Дәүләт Думаһы депутаты Римма Үтәшева.
