Бөгөнгө сығарылышта:
- Был аҙнала «Рәсәй.Мәҙәниәт» каналы «Рәсәй – минең мөхәббәтем!» тип аталған проектында Башҡортостан тураһында тапшырыуҙар теҙмәһен күрһәтә башланы. Уны алып барыусы — француз журналисы, сәйәхәтсе Пьер Кристиан Броше.
- Боронғо Өфө археологик паркын булдырыу концепцияһы ҡабул ителде. Радий Хәбиров хөкүмәттең ошо туралағы ҡарарына ҡул ҡуйҙы.
- “Мин илһөйәр” йәмәғәт ойошмаһы үткәргән “Илһөйәрлек һәр ғаиләлә. Минең шәжәрәм” 3-сө республика конкурсының еңеүселәре кемдәр?
- Башҡортостан тарихы, башҡорттарҙың көнитмеше — боронғо фотоларҙа. Күренекле фотограф Прокудин-Горский 1910 йылда төшөргән төҫлө фотоларҙың күсермәләре Милли музейҙа.
- Ейәнсура районы кейеҙселәре халҡыбыҙҙың борон-борондан килгән шөғөлөн тергеҙә.
- Был аҙнала төбәк башлығы грантына “Ер һүҙе” тип аталған беренсе халыҡ ара кинофорум старт алды.
- Фольклориадаға әҙерлек сиктәрендә Өфөлә СИОФФ президенты Филипп Боссан төбәк етәксеһе Радий Хәбиров менән осрашып һөйләште.
- Алмата ҡалаһының бер урамына Мостай Кәрим исеме бирелде.
