Өфө "Нур" татар дәүләт театры үҙенең ХХХ ижад миҙгелен Туфан Миңнуллиндың "Әлбермештән Әлмәндәр" пьесаһы буйынса ҡуйылған спектакль премьераһы менән яба.
22-23 июньдә тамашасыларҙы театр сәхнәһендә көткән күстәнәс, спектаклгә әҙерлек, пьесаның төп идеяһы тураһында "Нур" татар театры актерҙары ихлас бәйән итте.
"Әлдермештән Әлмәндәр" спектаклендә төп ролдәрҙе башҡарған артистар – Башҡортостандың халыҡ, Татарстандың атҡаҙанған артисы Рушат Мөҙәрисов һәм театрҙың алдынғы актрисаһы Сулпан Раянова 21-се июндә “Рәсәй-Башҡортостан” радиоһында барған “Өфө уттары” тапшырыуында ҡунаҡта булды.
