Мәжит Ғафури исемендәге Башҡорт дәүләт академия драма театры актеры, БР-ң халыҡ артисы, Халыҡтар дуҫлығы Ордены кавалеры Илдар Ғүмәровҡа ҡарата "Егет кешегә етмеш төрлө һөнәр ҙә аҙ" тигән әйтем бик тә килешә. Тәүге белеме буйынса рәссам, уҡытыусы, артабан — танылған драма артисы, йырсы, популяр йырҙар авторы.
28-се июндә "Рәсәй-Башҡортостан" радиоһында эфирға сыҡҡан "Өфө уттары" программаһында Илдар Ибраһим улы театр тормошо, ижады, ғаиләһе хаҡында һөйләй, рухи донъябыҙ тотҡаһы — сәнғәт хаҡында фекерләй.
