"Был донъяның ҡәҙерен беләйек", "Әүмеш", "Сибай", "Аҡ елкән" һәм башҡа йырҙарҙы телгә алыу менән күңелдә Тәнзилә Үҙәнбаеваның тауышы яңғырай.
Танылған йырсы һәм педагог, Рәсәй Федерацияһының атҡаҙанған, Башҡортостандың халыҡ артисткаһы Тәнзилә Үҙәнбаева быйыл үҙенең күркәм юбилейын билдәләй. "Өфө уттары" программаһында йырсыны сәнғәт юлына илткән һуҡмаҡтар, халҡыбыҙҙың йыр хазинаһы — оҙон көйҙәренә ҡарата сикһеҙ һөйөүе, үткәндәре һәм бөгөнгө тормошо хаҡында әңгәмәләшәбеҙ.
