10-12-се октябрҙә Беларусь Республикаһының баш ҡалаһы Минскиҙа "Башҡортостан әҙәбиәте көндәре" үтте. Башҡортостандан белорустар еренә 12 кешенән торған делегация барып ҡайтты. Билдәле яҙыусылар, шағирҙар, әҙәбиәт белгестәре, журналистар ике республика араһында булған дуҫлыҡты тағы ла нығытты.
Башҡорт яҙыусылары тыуған төйәгебеҙгә ниндәй атҡарылған эштәр, кисерелгән тәьҫораттар менән әйләнеп ҡайтты? Киләсәккә ике республика ниндәй проекттар төҙөнө?
Ошо хаҡта беҙ "Өфө уттары" тапшырыуының 24-се октябрь сығарылышында Башҡортостандың танылған шағирәләре, журналистар Тәнзилә Дәүләтбирҙина, Гөлназ Ҡотоева һәм Зөлфиә Ханнанова менән әңгәмәләштек.
