16-сы майҙан 23-сөнә тиклем Өфөлә ҙур сағыу ваҡиға – VIII "Туғанлыҡ" Халыҡ-ара милли театрҙар фестивале уҙасаҡ. Быйыл фестиваль Өфө ҡалаһының 450-йыллыҡ юбилейына арнала. Уны Башҡортостан республикаһы Хөкмәте һәм Башҡортостандың мәҙәниәт министрлығы ойоштора.
Фестивалдең йөкмәткеһе хаҡында З.Исмәғилев исемендәге Өфө дәүләт сәнғәт институты доценты һәм «Туғанлыҡ» фестиваленең программа директоры Айһылыу Сәғитова менән һөйләштек.
