Арабыҙҙа туған телен һөйгән, ниндәй генә шарттарҙа ла уны һаҡлауға, үҫтереүгә ынтылған шәхестәрҙең булыуы ҡыуандыра. Шундай белгестәрҙең Өфөләге Өфөләге Мәкәрим Төхвәтшин исемендәге һуҡырҙар өсөн республика махсус китапханаһында ла эшләй.
Һүҙебеҙ фондтарҙы каталоглаштырыу һәм үҫтереү бүлеге мөдире Нәзилә Дәүләтханова һәм китапхана мөхәррире Айзилә Вәлиева хаҡында.
Улар күреү һәләте ныҡ боҙолған балалар өсөн башҡорт телендә аралашыу мәҙәниәтен күтәреү буйынса проект яҙып, республика Башлығы грантын алыуға өлгәшә. Шулай итеп, уҡыусы балалар яңы уҡыу йылынан башлап башҡорт телен Брайль шрифты менән баҫтырып сығарылған уҡыу әсбаптары аша өйрәнә башлау мөмкинлеген алған.
