Гөмбә — боронғо башҡорт ауылы. Ул Асҡын районында, иҫ киткес тәбиғәт ҡосағында, Төй йылғаһы буйында урынлашҡан. Был ауылда ни бары 90 кеше йәшәй. Берҙәмлектәре һәм күркәм эштәре уларҙы республикала һәм унан алыҫта күптән танытҡан.
Быйыл Гөмбә ауылы "Айыҡ ауыл" республика конкурсында Асҡын районы данын яҡлаясаҡ.
"Өфө уттары" тапшырыуын райондың мәҙәниәт, спорт һәм йәштәр сәйәсәте буйынса идаралыҡ етәксеһе, проект кураторы Гөлзифа Мөхәмәтдинова, Ҡашҡа ауылы биләмәһе башлығы Ринат Ғәләүетдинов һәм Гөмбә ауылынан Фәниә Сабирова балҡытты.
