Бөгөн, йәғни 11 февралдә, фәндә эшләүсе ҡатын-ҡыҙҙар көнө билдәләнә. Был дата, 2016-сы йылдан килә.
Әйткәндәй, беҙҙең гүзәл заттарыбыҙ фәндә бер ҙә һынатмай. Улар йыһанды өйрәнә, археологик асыштар яһай, тел һәм фольклор өлкәһендә эҙләнә.
Студиябыҙ ҡунағы ғилми хеҙмәттәрен кеше сәләмәтлегенә арнай. Альбина Богданова — медицина фәндәре кандидаты, Башҡорт дәүләт медицина университеты доценты. Ғалимә кешенең ҡан әйләнеше системаһы ауырыуҙарын тикшерә.
