Өфөнөң мәҙәни тормошонда тарихи ваҡиға көтөлә: тәүге тапҡыр бер сәхнәлә башҡорт рок-энергияһы һәм академик хор бөйөклөгө осраша. Популяр «Бүреләр» рок-төркөмө һәм Таһир Сәйфуллин исемендәге Башҡортостан Дәүләт академия хор капеллаһы берлектәге программа тәҡдим итә.
Студия ҡунаҡтары - хор капеллаһының художество етәксеһе һәм баш дирижер, Башҡортостандың атҡаҙанған сәнғәт эшмәкәре, Ш. Бабич исемендәге республика йәштәр премияһы лауреаты, З. Исмәғилев исемендәге Өфө дәүләт сәнғәт институты профессоры Алһыу Хәсбиуллина һәм «Бүреләр» төркөмө етәксеһе һәм солисы , Башҡортостандың атҡаҙанған артисы Илшат Абдуллин.
