“Башҡортостан 24” муниципаль телевизион каналының “Өфө ваҡыты” тапшырыуының кесаҙна сығарылышында баянсы, музыкант Филүс Гәрәев ҡатнашты. Баш ҡалала “гармунсылар мәктәбен” үҫтереү, профессиональ сәнғәт тураһында барған әңгәмәлә тамашасылар әүҙем ҡатнашты. Тапшырыу барышында тура эфирҙа төрлө йырҙар башҡарған ҡатнашыусыларға Филүс Фәних улы ҙур бүләк – ҡурай тапшырҙы.
Филүс Гәрәев махсус хәрби операцияла ҡатнашҡан яугирҙәргә әүҙем ярҙам күрһәтә. Ул һалдаттарға гармун, баян, гитаралар ебәргән.
“Өфө ваҡыты” тапшырыуы дүшәмбенән кесаҙнаға тиклем көн һайын 19 сәғәттә эфирға сыға. Тура эфир студияһы телефоны — +7 (347)-246-26-84, WhatsApp +7-937-840-24-24.
