Донъя мосолмандары Рамаҙанды ҡаршылап, тәүге сәхәрҙәрҙе үткәрҙе. Мөхәммәт пәйғмбәр өммәтенән булғандар ай дауамында көндөң яҡты мәлендә аш-һыуҙан тыйылып тороп, барлыҡ изге эштәр һәм уйҙарын Аллаһы тәғәләгә бағышлай. Башҡортостан мосолмандары Диниә назараты Ураҙа айындағы нисаб, фытыр, зәҡәт күләмен билдәләне. Фытыр саҙаҡаһы быйыл 200 һум булһа, зәҡәт 1 мең 200 тәңкәгә торош итә. Фиҙиәнең күләме ураҙаны ҡалдырған һәр көн өсөн 400 һумдан иҫәпләнә.
“Башҡортостан 24” телевизион каналының “Өфө ваҡыты” тапшырыуының кесаҙна сығарылышында ла һүҙ Ураҙа айы, уның маҡсаттарына арналды. Студия ҡунағы – Болғаҡ ауылы мәсете имам-хатибы Нурмөхәмәт Нуриев был изге айҙың мосолмандар өсөн әһәмиәтен дә аңлатты.
“Өфө ваҡыты” тапшырыуы дүшәмбенән кесаҙнаға тиклем көн һайын 19 сәғәттә эфирға сыға. Тура эфир телефоны 8-347-246-26-84, МАХ ҡушымтаһы һандары 8-937-840-24-24.
