Белоретта янғында ике кешенең ғүмере өҙөлдө

Был турала бөгөн ғәҙәттән тыш хәлдәр министрлығының Башҡортостандағы баш идаралығынан хәбәр иттеләр. Киске сәғәт ундар тирәһендә ҡаланың бер урамында ағас йорт янып китә. Фажиғә урынына 4 берәмек техника, 12 янғын һүндереүсе, тиҙ ярҙам хеҙмәте бригадаһы, газ һәм элект селтәре хеҙмәткәрҙәре, урындағы хакимиәт вәкилдәре килеп етә. Ут һүндерелгәс ике кешенең мәйете табыла.