Бөгөн, дүшәмбе, 28 мартта «Рәсәй-Башҡортостан» радиоһында барған «Өфө уттары» тапшырыуы халҡыбыҙҙың арҙаҡлы улдарының береһе, танылған композитор, Рәсәй һәм Башҡортостандың атҡаҙанған сәнғәт эшмәкәре, Ғ.Сәләм исемендәге дәүләт премияһы, Халыҡ-ара композиторҙар конкурстары лауреаты Салауат Низаметдиновтың тыуыуына 65 йыл тулыуға арнала.
Студияла композиторҙың ижадташ дуҫтары — Башҡортостандың халыҡ артистары Әлфиә Юлсурина һәм Йәмил Әбделмәнов менән әңгәмә буласаҡ.
- Тапшырыуҙа:
- 31 мартта Башҡортостандың сәнғәт оҫталары ҡатнашлығында уҙасаҡ хәтер кисәһе хаҡында һөйләшеү;
- Композиторҙың ижадына байҡау, уның тураһында иҫтәлектәр;
- Радиотыңлаусылар менән аралашыу.
