Шыршыны нисек дөрөҫ һайлау һәм уны һаҡлау хаҡында Гөлфиә Мәҡсүтова сюжетында.
Сергей Борисов Өфөләргә бына инде 20 йыл тиерлек яңы йыл кәйефе бүләк итә. Халыҡ тәбиғи ылыҫлы ағастарға өҫтөнлөк бирә. Әйткәндәй, шыршы баҙарҙарында- ҡупшы ҡарағайҙар ҙа, хуш еҫле шыршылар ҙа бар. Яңы йылдың биҙәге булған һылыуҡайҙар мөмкин тиклем оҙағыраҡ ҡыуандырһын өсөн Сергейҙың күп йыллыҡ тәжрибәгә нигеҙләнгән кәңәше бар.Ҡышҡы һылыуҡайҙы дөрөҫ һайлай белергә лә кәрәк. Ылыҫлы ағасты һайлаусылырҙың күбеһе уны ҡабатланмаҫ еҫе өсөн ярата. Бының өсөн иң ҡулайлыһы шыршы. Шыршы баҙарҙары асылып та өлгөрҙө, һатып алыусылар Яңы йыл һылыуҡайҙары күпләп килә лә башланы.
Быйыл ҡаланың барлыҡ райондарында бөтәһе 14 һатыу нөктәһе ойошторолған. Шыршыны 31 декабргә алырға мөмкин. Белгестәр билдәләүенсә, ылыҫлы ағастарҙың хаҡы, үткән йылдағына ҡарағанда аҙ ғына артҡан. Мәҫәлән, шыршының хаҡы уртаса 1 200 һум, ә аҡ шыршы ике мең ярым һум самаһы. Хаҡы уның ҡупшылығынан һәм оҙонлоғона бәйле.
