Улар дрон өсөн запас өлөштәр эшләү менән шөғөлләнә һәм ғаилә эше менән еңеүҙе яҡынайта. Теманы хәбәрсебеҙ Нурия Ғилмуллина дауам итә.
Был полк оҫтаханаһында атаһы улы менән бергә эшләй. Оптик сүстән эшләнгән дрондар өсөн катушкалар эшләйҙәр, 3Д принтерҙа кәрәкле деталдәр баҫтыралар. Электроника менән "Скрипач" телеүҙәктә эшләгәндән бирле яҡшы таныш. Хәҙер ул улы менән "Башҡортостан" мотоуҡсылар полкында хеҙмәт итә. Афғанстанда ул снайпер була, иҫтәлеккә үҙенә "Скрипач" ҡушаматын һайлай. Улына махсус хәрби операцияға ирекмән булып китеүе тураһында "Скрипач" бер нәмә лә әйтмәй. Улар күнекмәләр ваҡытында осраша. "Макс" эвакуация төркөмөндә, бронемашина экипажында хеҙмәт иткән. Алыштарҙың береһендә, алты нөктәне урап үткәндән һуң, уларға дрон һөжүм итә. Водитель "Макс"ҡа тәүге ярҙам күрһәтә. Артабан яугир бмп капотында китә. Һуңынан тағы ла дрондар һөжүм итә. "Макс" госпиталдә оҙаҡ дауалана. Зыян күргән ҡулы насар эшләй башлай һәм "Башҡортостан" полкына 25 дөйөм ғәскәр армияһына күсереүҙе һорай.
Оптик сүстең нәҙек ептәре өҙөлмәһен өсөн "Скрипач" Һәм "Макс" грибок тип аталған элемент ҡуйып катушкаларҙы камиллаштыра. Уларҙың эше арҡаһында 31 мотоуҡсылар полкы яугирҙәренең дрондары дошман техникаһын әүҙем ҡыйрата. Дошманға улар тын алырға ла бирмәй, уяулығын юғалтҡанда тар-мар итә. Атаһы һәм олатаһынан күреп "Макс" та фронтҡа китә. Ваҡытлыса контрактҡа ҡул ҡуя. Хәҙер Донецк йүнәлешендә һуғыша. Үҙ хеҙмәте менән дөйөм еңеүҙе яҡынайтыу уларҙың ысын ғаилә эше. Тап шуның өсөн дә аталы уллы улар тыуған илгә хеҙмәт итеү юлын һайлай.
