Эш сәфәре Өфөнөң Совет майҙанында Рәсәй геройы, генерал-майор Миңлеғәле Шайморатовтың һәйкәленә сәскәләр һалыуҙан башланды. Был ике республика вәкилдәренең тәүге осрашыуы түгел, яҡтарҙы ныҡлы дуҫлыҡ һәм хеҙмәттәшлек ептәре бәйләй.Совет майҙанындағы экскурсиянан һуң Республика Йортонда осрашыуҙың рәсми өлөшө – һөйләшеүҙәр дауам итте. Яҡтар киләсәккә пландар билдәләне. Республика Ташкент өлкәһендә технопарк проекты өҫтөндә эшләй. Яҙ төҙөлөш башлана, документтар әҙерләнгән һәм берлектәге технопарк резиденттары пулы формалашасаҡ.Үзбәкстан — Башҡортостандың төп тышҡы иҡтисади партнерҙарының береһе. 2017 йылдан төбәктәр араһында тауар әйләнеше өс тапҡырға артҡан. Әле Үзбәкстан беҙҙең төбәктең тәүге ун тышҡы сауҙа партнеры иҫәбенә инә.Башҡортостанда шулай уҡ Ташкент өлкәһенең сауҙа йорто ла төҙөлөр, тип көтөлә. Унда Үзбәкстан продукцияһы тәҡдим ителәсәк.Благовещен районында умартасылыҡ өсөн акация баҫыуҙары барлыҡҡа киләсәк — был төбәктәрҙе берләштергән тағы бер проект. Кәңәшмәләге һөйләшеүҙә табиптар өсөн тәжрибә уртаҡлашыу программаһын булдырыу тураһында ла һүҙ барҙы. Ташкент өлкәһе хәкиме Зойир Мирзаев етәкселегендәге делегация Башҡортостандың етештереү һәм социаль объекттарында ла булды. Әйткәндәй, технопарк проектын тикшереү алдағы аҙналарҙа уҡ дауам итәсәк.Был осрашыу хеҙмәттәшлек өсөн яңы офоҡтар асыр, тип көтөлә.
Башҡортостанға эш сәфәре менән Үзбәкстан делегацияһы килде
Технопарк, яңы сауҙа йорто, табиптар менән алмашыу программалары - төбәк етәкселегенең Ташкент делегацияһы менән һөйләшеүҙәренең төп темалары булды.
