Сара сиктәренә төпкөл район һәм ауылдарҙа йәшәгән халыҡ үҙенең һаулығын тикшереп дауалана ала. Хәбәрсебеҙ Нурия Ғилмуллина теманы дауам итә.
Гөлназ Петрова 19 йылдан ашыу медицина өлкәһендә эшләй. Ул Өфөнөң 21-се клиник дауаханаһында медицина-профилактика бүлеген етәкләй. «Сәләмәт Республика – сәләмәт төбәк» акцияһынан да ситтә ҡалмаған. Табип эшләгән дауахананан ҡатын-ҡыҙ сәләмәтлеге тигән күсмә модуль юлға сыға. Диагностик ярҙамды арттырыу һәм хроник ауырыуҙарҙы һәм уларҙың хәүефен иртә асыҡлау маҡсаты менән 2026 йылдың 13 апреленән Башҡортостан башлығы тарафынан «Сәләмәт Республика – сәләмәт төбәк» акцияһы старт алды. Сара Республикала 2019 йылдан алып үткәрелә. 7 йыл эсендә белгестәр 820 меңдән ашыу кешене ҡабул иткән. 2 меңдән ашыу яман шеш, 4 меңдән ашыу шәкәр диабеты, 200 – ҙән ашыуы туберкулез, 9 меңдән ашыу юғары ҡан баҫымы менән бәйле ауырыуҙар асыҡланған. Быйыл иһә...
Юлға сығырға торған табиптарҙы Башҡортостан хөкүмәте Премьер-министрының беренсе урынбаҫары Урал Килсенбаев сәләмләне һәм хәйерле юлдар теләне. Әйтергә кәрәк, һаулыҡ поездары — мобиль комплекстар Өфө, Дыуан, Нефтекама, Октябрьский, Стәрлетамаҡ һәм Белорет маршруты буйынса эшләй, республиканың бөтә муниципаль райондарын үҙ эсенә ала. Акцияға бөтәһе 10 күсмә флюрограф, 10 күсмә маммограф, 49 мобиль ФАП, 9 күсмә, шул иҫәптән балалар һаулыҡ үҙәге һәм кардиомобиль йәлеп ителгән. Ҡыуатов исемендәге клиник дауахананан һаулыҡ поезды Белорет районына юллана. Акция 11 сентябргә тиклем дауам итәсәк.
