Бында тиҙ арала йорттар төҙөйҙәр. Әлегә илдә был предприятиеның тиңе юҡ. Шулай уҡ эш сәфәре барышында Радий Хәбиров муниципалитет эшҡыуарҙары менән дә аралашты. Бизнес-берләшмә менән осрашыуҙа ниндәй һорауҙар күтәрелеүе хаҡында хәбәрсебеҙ Нурия Ғилмуллина белеп ҡайтты.
Ваҡыт капсулаһы быуындар бәйләнеше, өҙлөкһөҙлөк һәм өмөт билдәһе. Башҡортостан башлығы Радий Хәбиров һәм завод директоры Азат Шәмсуаров предприятиеның буласаҡ хеҙмәткәрҙәренә мөрәжәғәтнамә тапшырҙы һәм төҙөлөшкә старт бирҙе. Республика һәм тотош ил ауыр ваҡыттар кисереүенә ҡарамаҫтан, Башҡортостан иҡтисады йыл һайын инвестициялар йәлеп итеүҙе арттыра ғына. «Алға» махсус иҡтисади зонаның йәш булыуына ҡарамаҫтан...
Тап Стәрлетамаҡ районы биләмәһендә республиканың төҙөлөш тармағы өсөн бетон һәм ҡоро ҡатнашмалар етештереү буйынса завод төҙөлә башлай. Рәсәйҙә йылына 400 мең кубометр ҡеүәтенә эйә булған юғары технологиялы газ-бетон етештереү буйынса аналогтар юҡ. Әлбиттә, муниципалитетта бындай ҙур төҙөлөш башланыуының ыңғай яҡтары байтаҡ. Был башланғысты тормошҡа ашырыуға 4 миллиард һум самаһы аҡса йүнәлтергә һәм 85 эш урыны булдырырға күҙаллайҙар. Завод төҙөлөшөн бер йылдан тамамлау планлаштырыла.
Киләсәктә заводта етештерелгән материалдарҙан йорттарҙы 4 көндә төҙөргә мөмкин. Стәрлетамаҡ районының башҡа эшҡыуарҙары ла республика башлығына үҙенсәлекле идеялар тәҡдим итте. Радий Хәбиров муниципалитеттың туризм һәм креатив индустрия өлкәһендәге бизнес-берләшмә вәкилдәре менән "Видное место" базаһы биләмәһендә осрашты. Башҡортостан башлығы туризмға булышлыҡ итеү федераль һәм республика программаларында әүҙем ҡатнашырға саҡырҙы. Бизнес-берләшмә менән осрашыу урыны осраҡлы һайланмаған. Стәрлетамаҡ районы үҙенә туристарҙы ғына түгел, эшҡыуарҙарҙы ла йәлеп итә. Ағиҙел ярында урынлашҡан "Күренеп торған урын" ял базаһы инвестицион проекттарҙың береһе. Тап бынан Торатауға иҫкиткес күренеш асыла. Баҡтиһәң, ял базаһының хужаһы Афанасий Маслейчук үҙ проекты менән эшҡыуарлыҡ сәғәтенә килгән була. Башҡортостан башлығы базала төҙөлгән модулле йорттарҙы ҡараны. 2025 йылда проект республика ярҙамын ала. Эшҡыуар Афанасий Маслейчук шулай уҡ туризм өлкәһендә грант конкурсында еңеүсе була. Осрашыуҙа ҡатнашыусылар муниципалитеттың туристик йәлеп итеүсәнлеген арттырыуға, социаль инфраструктураны үҫтереүгә һәм ижади проекттарҙы тормошҡа ашырыуға ҡағылышлы мәсьәләләрҙе тикшерҙе.
