Бөгөн Ислам диненең оло байрамы - Ҡорбан ғәйете

Республикала ул ял көнө тип иғлан ителгән. Байрамды бөтә мосолмандар ҙа түҙемһеҙләнеп көтөп алды. «Ҡорбан» һүҙе «яҡынайыу» мәғәнәһендә, Аллаһы Тәғәләгә изге ғәмәлдәр менән яҡынайыуҙы аңлата. Байрам көнөндә ҡорбан ҡылыу —  бөйөк бүләккә ирештерә торған яҡшы эш. Ҡорбан өсөн мал – дөйә, һыйыр, кәзә йәки һарыҡ махсус һимертелә. Салынасаҡ мал һау-сәләмәт булырға тейеш. Иттең бер өлөшө ярлыларға һәм мохтаждарға таратыла, икенсе өлөшөн байрам табынын әҙерләү, туғандарға, дуҫтарға бешереп ашатыла, ә өсөнсө өлөшөн инде мосолман үҙеңә алып ҡалырға мөмкин. Мәккә Мәҙинәлә был көндәрҙә донъяның барлыҡ тарафтарынан миллиондарса мосолмандар йыйылған. Ҡорбан байрамы көнөндә диндарҙар тәүәф ҡыла.