Бурыслыларҙың мөлкәтенә арест һалыу башланды

Өфөлә суд приставтары, федераль һалым хеҙмәте идаралығы менән берлектә һалым һәм страховка иғәнәләре буйынса бурыслыларҙың мөлкәтенә арест һала башланы. Үткән аҙнала ғына һалым түләмәүселәрҙән 17 миллион һумдан ашыу бурыс ҡайтарылған. Шулай уҡ 19 миллион һумлыҡ мөлкәткә арест һалынған.Рейд барышында һалым түләмәүселәрҙең ундан ашыу мөлкәтенә арест һалынды һәм административ протокол төҙөлдө. Ҡайһы бер осраҡта хатта енәйәт эше лә асыла.