Архангел районындағы фажиғәгә бәйле бөгөн яңы мәғлүмәттәр билдәле булды

Һәләк булыусы иргә 62 йәш. Архангел-Максим Горький ауылы араһында ул “Лада Калина” машинаһы аҫтында ҡала. 25 йәшлек водитель төнгө юлда ҡара кейем кейгән йәйәүлене күрмәй ҡала. Ир урында уҡ һәләк булған. Үткән тәүлектә республика юлдарында 7 авария теркәлгән, уларҙа 1 кеше һәләк булған, 7 кеше йәрәхәтләнгән. Иҫерек килеш руль артына ултырған 24 водитель тотолған.