"Берҙәмлектә – көс" тип атаныҡ бөгөнгө эфирыбыҙҙы. Ысынлап та, ил именлеге хәүеф аҫтында булған ваҡытта ысын ир-егеттәр ситтә ҡала алмай. Тәжрибәле яуғирҙар һәм йөрәгендә илһөйәрлек рухы йөрөткән егеттәр күңел ҡушыуы буйынса хеҙмәткә юллана. Контракт хеҙмәте, яуғирҙарыбыҙға ярҙам тураһында булыр һүҙебеҙ.
Бөгөн беҙҙә ҡунаҡта — Башҡортостан башлығы кәңәшсеһе, Эске эштәр министрлығының отставкалағы полковнигы, Салауат Юлаев исемендәге ирекле батальон ойоштороусыһы Артур Йомағужин.
