Рәсәй Президенты Владимир Путин Указына ярашлы, илдә "Аҙ һанлы аҫаба халыҡтар көнө" билдәләнә. Был дата йыл һайын, 30-сы апрелдә үткәрелә. Дәүләт башлығы имзалаған тағы бер документҡа ярашлы, хәҙер йыл һайын һигеҙенсе сентябрҙә "Рәсәй халыҡтары телдәре көнө" уҙғарыла. Ә 14-се декабрҙә иһә Башҡортостанда "Башҡорт теле көнө" билдәләнә. Бөгөнгө һөйләшеү тап башҡорт телен үҫтереүгә бәйле.
Студия ҡунағы — Мифтахетдин Аҡмулла исемендәге Башҡорт дәүләт университетының башҡорт филолологияһы факультеты деканы, профессор Ләйлә Хөсәйенова.
