Махсус хәрби операцияла ҡатнашыусыларға дәүләт ярҙамы саралары көндән-көн камиллаша. Әлеге ваҡытта Рәсәйҙә бихисап түләүҙәр, льготалар, сертификаттар, реабилитация һәм башҡа махсус ярҙам саралары ҡабул ителгән. Бынан тыш һәр субъектта өҫтәмә программалар бар. Башҡортостан был йәһәттән алдынғылар рәтендә. Яугирҙәргә аҡсалата түләүҙәр, ғаилә ағзаларына төрлө льготалар булдырылған. Улар хаҡында алдағы ярты сәғәттә ентекләберәк һөйләшеп китербеҙ.
Студияла - халыҡты социаль яҡлау үҙәгенең Өфө районы буйынса филиалы директоры Миләүшә Йәмилова.
