Йыр юлдарынан алынған был юлдарҙың кемгә төбөлгәнен күптәр белеп тә бөтмәй шикелле. Сираттағы эфирыбыҙ Ил Ағаһы, көтмәгәндә арабыҙҙан китеп барған Мортаза Рәхимов хаҡында булды. Әле әйткән легендар йыр юлдарының авторы Гөлнара Хәлфетдинова, көйөн Наил Шәймәрҙәнов яҙған. Ул шәхсән Мортаза Рәхимовҡа арналған.
Хәтирәләре менән яҙыусы, дәүләт эшмәкәре, Республиканың атҡаҙанған мәҙәниәт эшмәкәре, Салауат Юлаев исемендәге дәүләт премияһы лауреаты Ғәлим Хисамов (фотола уңдан беренсе),1990 йылдарҙа Башҡортостан Министрҙар Советы рәйесе урынбаҫары,артабанғы бер нисә йылда Башҡортостандың дәүләт секретары Мансур Әйүпов (телефон аша) һәм иҡтисадсы, Өфө фән технологиялар университеты доценты Илдар Ғәбитов (һулдан беренсе) бүлеште.
Эфирҙы Айгөл Хисамова менән Ришат Миндияров алып барҙы. Тауыш режиссеры Гөлнәфис Хөсәйенова.
