Республикала йәшәүсе һәр кем үҙен борсоған мәсьәлә тураһында белдерә һәм уны хәл итеүҙә тейешле ярҙам аласаҡ. Бының өсөн Башҡортостанда «Асыҡ кабинеттар» булдырыла. Улар аша халыҡ төрлө мәсьәлә менән "Берҙәм Рәсәй" фирҡәһе вәкилдәренә мөрәжәғәт итә ала.
«Асыш-2018» тип аталған фирҡә йыйынында шундай тәҡдим яңғыраны. Бөтә Рәсәй йыйынын алдынан үткән ултырышта 300 кеше ҡатнашҡан. Һөйләшеү йомғаҡтары буйынса ҡабул ителгән тәҡдимдәр «Берҙәм Рәсәй» ҙең Үҙәк башҡарма комитетына тапшырыласаҡ.
