Өс мөйөшлө хат Архангельский ҡалаһында — күптән ябыҡ китапхананы һүткәндә осраҡлы табыла. Беҙҙең журналистар һәм битараф булмаған кешеләр ярҙамы менән ул адресатына барып етте. Хәҙер яҙма геройҙың тыуған яғында — музейҙа экспонат булып һаҡлана. Ә Һалдат эҙҙәре Бөйөк Ватан Һуғышы яланында юғала.
Фронт хаты, осраҡлы рәүештә, иҫке, күпләп йыйылған китаптар араһында Архангельсктың күптән ябыҡ китапханаһында табыла. Был тарих тураһында ишеткәс, «Поморье» ДӘҮЛӘТ ТЕЛЕРАДИОКОМПАНИЯҺЫ журналистары хатты поезд менән Башҡортостанға ебәрә.
Архив эштәре буйынса идаралыҡ һәм Андрей Трусов фронтҡа саҡырылған ауыл хакимиәте ярҙамында беҙ уның туғандарын таптыҡ.
Геройҙың хәҙерге ваҡытта йәшәгән иң оло вариҫы — уның өлкән ейәнсәре Анна. Хәҙер уға 70 йәш. Олатаһы яҙған хат табылыуы тураһында ишеткәс, уның өйөндә ҡыҙылармеецтарҙың нәҫел-нәсәбе йыйыла. Осрашыу өсөн улар башҡа ҡалаларҙан да килгәндәр. Һалдаттың ҡатыны- Матрена Трусова дүрт баланы бер үҙе тәрбиәләй һәм 1982 йылда вафат була. Ғүмеренең һуңғы көндәренә тиклем ул ирен һағынып йәшәй.
1941-се йылдың көҙөндә Андрей Трусов үҙенең хәрби юлы, һағыныуы, көнкүреш әйберҙәре, дошман менән һуңғы көнгә тиклем көрәшеүе тураһында һөйләй.
Был Андрей Трусовтың туғандарында һаҡланған берҙән-бер фото. Ул үҙ теләге менән фронтҡа 40 йәшендә китә. Башҡортостанда ойошторолған 1200-се уҡсылар полкы тәүге тапҡыр Торжка янындағы алышта була. Һуңынан яугир Ржев янындағы алыштарҙа ҡатнаша. Ул саҡта подразделениеның төп бурысы Ржев — Рига юлын киҫеп, Волгаға сығыу була.
Шул ваҡыттан алып һалдат бер нисә ҡаты алышта ҡатнаша. Рядовой Трусовтың эҙҙәре 42 йылдың мартында юғала, шунан бирле ул хәбәрһеҙ юғалған тип иҫәпләнә.
Ғаилә советында хатты геройҙың тыуған төйәге - Күгәрсен тарих һәм тыуған яҡты өйрәнеү музейына тапшырырға ҡарар ителде.
Ҡыҙыл армеец Андрей Трусовтың портретын ҙур ғорурлыҡ менән, уның вариҫтары үлемһеҙ полк сафында йөрөтә. Геройҙың хәҙер 14 ейәне, 30 бүләсәре һәм бүләсәрҙәренең балалары бар. Улар илебеҙҙең төрлө район-ҡалаларында йәшәй. Дүрт вариҫы бөгөн Махсус хәрби операцияла ҡатнашып олаталарының эшен дауам итә.
