"Башҡортостан 24" телевизион каналының "Өфө ваҡыты" программаһы республика халҡы һәм башҡарма власть органдарының аралашыу майҙансығы булып ҡала. Муниципаль телевизион канал эфирында иң актуаль һорауҙар һәм көнүҙәк темалар күтәрелә. Хәбәрсебеҙ Ғәлимйән Ибәтуллин әҙерләгән яҙма.
Ҡарауһыҙ ҡалған эттәр аҫыралған "Сәскәле ҡала" приютында һәр ярҙамға ихлас шаттар. Хәҙер йәшәр урыны булған йорт хайуандары ҡунаҡтарҙы үҙҙәренсә ҡыуанып, тауыш биреп ҡаршы ала. Приютта аҫыралған йөҙҙәрсә эттең хәҙер тамағы ла туҡ, улар урам буйлап та йөрөмәй. Һәр йән эйәһенә ризыҡ ҡына түгел, ә кешеләрҙең йылы мөнәсәбәте кәрәк. Алена Садыҡова әйтеүенсә, ирекмәндәрҙең бөгөн берҙән-бер теләге – приюттың финанс тотороҡлоғо. һөҙөмтәләр шунда уҡ. Битараф булмаған кешеләр "Өфө ваҡыты" тапшырыуынан һуң приютҡа ярҙам ҡулы ла һуҙа. Улар эттәр өсөн яңы оялар эшләп бирә, күптәр ризыҡ килтергән.
"Өфө ваҡыты" тапшырыуы баш ҡала халҡы өсөн аралашыу урыны булып ҡала. Студия ҡунаҡтары – йәмәғәт эшмәкәрҙәре, төрөлө министрлыҡ һәм ведомтсволар вәкилдәре. Тура эфирҙа улар ҡануниәт тураһында һөйләй, шулай уҡ актуаль мәсьәләләрҙе шәхсән күҙәтеүгә ала. Әйткәндәй, оҙаҡ ваҡыт хәл ителмәгән һорауҙарға яуап тиҙ табыла. Мәҫәлән, Октябрь районы хакмиәте башлығы Антон Тарасов менән тура эфирҙағы һөйләшеүҙән һуң, юл да яңыртыла. Ярым емерек юлды тиҙ арала ремонтлау ғына түгел, ә Сипайловолағы туҡталышта айырым павильон да тап беҙҙең программанан һуң барлыҡҡа килде. Өфөнән Маргарита Шабалкинаның үтенесенә власть органдары бары тик "Башҡортостан 24" телевизион каналы эфирынан һуңғына яуап таба алды.
"Урмансылар паркына" илтеүсе юлдағы боролош күп водителдәргә ҡатмарлыҡ тыуҙыра. Тамашасының тормош иптәше лә тап ошо ерҙә аварияға осраған. Сөнки, юл ситендәге диуар арҡаһында, Поляр урамға машинала сығыу ныҡ хәүефле. Тап "Өфө ваҡыты" тапшырыуындағы мөрәжәғәттән һуң, был биләмәлә ҙур көҙгө ҡуйылған. “Өфө ваҡыты” тапшырыуына шылтыратыу – граждандарҙы борсоған мәсьәләләрҙе туранан-тура власть органдарына еткереү. Тап һеҙҙең ярҙамығыҙ һәм ошо программа аша Өфөнө тағы ла яҡшыраҡ итеү мөмкинлеге бар.
