Баҫманың авторҙары — Башҡортостандағы «Ватанды һаҡлаусылар» фонды филиалы етәксеһе Гөлнур Ҡолһарина һәм республикалағы Рәсәй Хәрби-тарихи йәмғиәте төбәк бүлексәһе етәксеһе Рәмил Рәхимов. Был турала тулыраҡ мәғлүмәт киләһе сюжетта.
Был китап, иң тәүҙә, ысын патриоттар тәрбиәләгән ата-әсәләр хаҡында, геройҙар, ерҙәштәребеҙ тураһында. Презентацияла Геройҙарҙың туғандары, яҡындары ла ҡатнашты. Максим Серафимовтың әсәһе Алина Олеговна улы тураһында тыныс ҡына һөйләй алмай.
Билдәле ғалим, хәрби тарихсы, Рәсәй хәрби-тарихи ойошмаһының республика бүлексәһе етәксеһе Рәмил Рәхимов билдәләүенсә, был китап — геройҙар тураһында ғына түгел, ә беҙҙең үҙебеҙ, ерҙәштәребеҙ хаҡында ла.
Биографик очерктар йыйынтығы журналистарға «Китап» нәшриәтендә тәҡдим ителде. Башҡортостандан сыҡҡан Рәсәй Геройҙарына арналған китапта махсус хәрби операцияның сәбәптәре, Башҡортостандың еңеүгә индергән өлөшө, Донбасс халҡы тураһында һөйләнелә. Баҫманың биттәрендә яугирҙәрҙең хәрби иптәштәре, командирҙары, бала саҡ дуҫтары һәм яҡын туғандары үҙ хәтирәләре менән уртаҡлаша. Шулай уҡ китаптың исем туйында мәғлүмәти ярҙам күрһәткәндәре өсөн Башҡортостан Дәүләт телерадиокомпанияһының бер төркөм журналистарын да бүләкләнеләр.Үҫеп килгән быуынға патриотик тәрбиә биреү өсөн бындай баҫма айырыуса мөһим. Киләсәктә был эштең мотлаҡ дауамы буласаҡ, тип белдерҙе Гөлнур Ҡолһарина.
