Ҡайһы бер райондарҙа ҡар яуыу тураһында ла мәғлүмәттәр бар. Был беҙҙең төбәктә апрелгә хас күренеш. Яҙ бер аҙым алға баҫа ла, ике аҙым артҡа сигенә. Яҙғы-йәйге осорға рәсми фаразға ҡарағанда, апрелдә уртаса температура 4, 6 градус йылы булырға тейеш.
«Фобос» үҙәге фараздары буйынса, май башында ғына температура үҙгәрә. 1-се майҙан республикала көндөҙ температураның 17, ә 2-се майҙа+20 градусҡаса йылытыуы ихтимал. Рәсәй Гидрометеоүҙәгенең оҙайлы фараздары Башҡортостанда йылы, әммә ямғырлы йәй вәғәҙәләй. Температура өс ай буйына «нормаға ярашлы йәки норманан юғарыраҡ» булмаҡсы.
