Концерттар программаһында-легендар хореограф Фәйзи Ғәскәров ҡуйған бейеүҙәрҙән тыш, донъя халыҡтары бейеүҙәре, шулай өр яңылары ла бар. Тулыраҡ — хәбәрсебеҙ Гөлфиә Мәҡсүтова һөйләй.
"Йондоҙло күк Аҫтында" тип аталған сиған бейеүенең премьераһын тамашасы ихлас ҡабул итте. Хореграф әйтеүенсә, был бейеүҙе сәхнәгә сығарырға ул ун йылдан ашыу хыялланған. 2025-се йылдың йомғаҡлау концерты программаһында — башҡорт хореографияһының алтын фондына ингән, ансамбльдең йөҙөк ҡашына әйләнгән бейеүҙәрһеҙ ҙә булманы, әлбиттә. Шулай уҡ, концертта донъя халыҡтары бейеүҙәре һәм Еңеүҙең 80 йыллығына арналған композицияар күрһәтелде. Йыл ғәскәровсылар өсөн бик уңышлы булды. Легендар ансамбль үҙ тарихында беренсегә март айында Дәүләт Кремль Һарайы сәхнәһендә "Донья халыҡтары бейеүҙәре” тип исемләнгән беренсе ҙур яңғыҙ концерт программаһы менән сығыш яһаны. “Бер халыҡ тарихы" хореографик спектакле өҫтөндә ижади команда менән берлектә тарихсылар ҙа эшләгән. Проектты ансамблдең ижади еңеүе тип ҡабул итеү генә аҙ, был бөтә Башҡортостан мәҙәниәте өсөн мөһим ваҡиға. Спектакль тарихи хәтерҙе һаҡлауҙың, үҙ мәҙәниәте өсөн ғорурлыҡ тойғоһо тәрбиәләүҙең һәм Башҡортостандың күп милләтле халҡының берҙәмлеген нығытыуҙың ҡеүәтле ҡоралына әйләнер, тигән ышаныс бар. Ансамблдең йомғаҡлау концерт программаһы Башҡортостан дәүләт концерт залы сәхнәһендә 10 декабрҙә тағы ла күрһәтеләсәк.
