Йыр-моң, бейеү иленә саҡырыу. Өфөнөң "Мираҫ" ансамбле яңы ижад миҙгелен асып ебәрҙе. Артистар көс туплап ҡына ҡалмаған, яңы бейеүҙәр ҙә ҡуйған. Концерттарға килгән тама шасылар рәхәтләнеп ял итеп, илһамланып ҡайтһын өсөн быйыл бик күп эштәр башҡарылған. Хәбәрсебеҙ Гүзәл Батыраева сюжеты.
Яҙмыш уны бында, коллективта булған йолаларҙы һаҡлау һәм артабан тапшырыу өсөн алып килгән кеүек. Артистың исеме лә Мираҫ - ансамблдең исемен теүәл ҡабатлай. Ҡурайсы Мираҫ Үҙәнбаев үҙенең «Косилка-молотилка» номерын тәҡдим итте.
Ҡала мәҙәниәт һарайында Өфөнөң «Мираҫ» йыр һәм бейеү ансамбле 35-се ижад миҙгелен асыуға арналған программа менән сығыш яһаны. Репертуарҙа — башҡорт халҡының ғына түгел, донъяның башҡа халыҡтарының да мәҙәни мираҫын сағылдырған йөҙҙән ашыу әҫәре булған профессиональ коллектив.
Программа номерҙары араһында-быйылғы премьера: «Белорус һүрәттәре» вокал-хореографик композиция. Ул ике республика араһында мәҙәни хеҙмәттәшлекте киңәйтеү сиктәрендә әҙерләнгән. Уның өҫтөндә Беларусь Дәүләт академия бейеү ансамбленең саҡырылған балетмейстер Максим Кашевич эшләй.
Программала шулай уҡ боронғо башҡорт туй йолаһын тергеҙеүсе билдәле ЙыуасА ла бар. Был вокал-хореографик композиция коллектив төҙөлгәндән бирле бар.
"Мираҫ" ҡа Рудольф Нуриев исемендәге хореография колледжын, Шулай уҡ Бөтә Рәсәй: Һамар, Ханты-Манси, Силәбе һәм башҡа ҡалаларҙың уҡыу йорттарын тамамлаусылар эшкә килә.
Ансамбль Бөтә Рәсәй буйлап әүҙем гастролдәрҙә йөрөй. Октябрҙә Силәбе, Ҡурған һәм Свердловск өлкәләрендә сығыш яһау планлаштырылған. Был миҙгелдә артистар тамашасыларҙы яңы номерҙар менән ҡыуандырасаҡ.
