Үткән тәүлектә Башҡортостанда йәнә 35 сирле коронавирус ҡорбандары исемлеген тултырған. Коронавирус инфекцияһы менән көрәш буйынса оператив штаб сир йоҡтороу, үлем осраҡтары һәм вакцинацияға ҡағылышлы көнүҙәк мәғлүмәттәрҙе иғлан итте.
Статистика буйынса 35 сирле коронавирустан донъя ҡуйған. Пандемия башынан был күрһәткес хәҙер 1913 иҫәбендә.
Үткән тәүлектә Башҡортостанда йәшәгән 610 кеше КОВИД19 асыҡланыуы тураһында ыңғай тест алған. Һөҙөмтәлә сир йоҡторғандар һаны 72 879 кешегә етте.
Вакцинаның беренсе компонентын ҡаҙатҡандар һаны бөгөнгә 1 345 179. 1 225 476 кеше прививканың икенсеһен дә яһатҡан.
