Быйыл иһә, проектта үҙҙәренең берҙәмлек көсөн һынап ҡарарға биләмәнең Әмир ауылы халҡы теләк белдергән. Конкурста еңгән осраҡта, Әмирҙәр ауыл клубын ремонтларға ниәтләй. Ун кешенән торған инициатив төркөмгә иһә, ойоштороу-аңлатма эшен алып барыу бурысы йөкмәтелде.
Проектты бойомға ашырырға 1 миллион 138 мең һум аҡса кәрәк. Конкурсты уңышлы үтеп сыҡҡанда республика ҡаҙнаһынан 800 мең, район бюджетынан — 202 мең һум аҡса бүленәсәк. Ауыл халҡы дөйөм 64 мең һум тапшырһа, бағыусыларҙан 72 мең аҡса йыйырға ҡала.
