Махсус хәрби операцияла ҡатнашыусыларға ярҙам күрһәтеү буйынса закондар көсөнә инде

Үтеп барған йылдың һуңғы көндәрендә Рәсәйҙә махсус хәрби операцияла ҡатнашыусыларға ярҙам күрһәтеү буйынса закондар көсөнә инде. Бынан ары хәрби хеҙмәткәрҙәр бушлай икенсе урта һөнәри белем алырға хоҡуҡлы. Шулай уҡ яугирҙарҙың бәлиғ булған балаларына мәктәпте тамамлағандан һуң 1 сентябргә тиклем льготаларҙы оҙайтыу тураһында нормалар ғәмәлгә инде. Башҡортостанда 2022 йылдан махсус хәрби операцияла ҡатнашыусыларға һәм уларҙың ғаиләләренә 54 ярҙам сараһы ғәмәлдә. Уларҙың ун бере быйылдан эшләй башланы.